14.10.2016 22:36 Маҳмуджон Қозоқбоев, "Альянс-Пресс" ахборот-таҳлил агентлиги директори. Бишкек 1777

Атамбаевни Тошкентга бориш фурсати етди

Биз Қирғизистон президентининг Қофқозортига қилган ташрифини диққат билан кузатмоқдамиз. Гарчи Гуржистон билан иқтисодий алоқаларимиз анчайин сийрак бўлсада, дўстлик ришталарини улаш керак. Ха, албатта бугун, илгариги совет давридай”Боржоми”га ёлчиб қолдик, дўконларда грузин мусалласи ҳам сероб. Лекин гуржиларга, биз қайси маҳсулотни етказиб бераётирмиз? Буни билмайман. Лекин биз учун бунданда аҳамиятли ишлар бор. Қофқозорти яхшику-я, лекин яқин қўшни, узоқ қариндошдан аъло эмас-ми?!


Ташқи сиёсатда анчайин қаттиқ позиция тутган Президент Ислом Каримовнинг вафотидан сўнг, Ўзбекистон шиддат билан ўзгармоқда, жаҳонга очилмоқда. Яқинда, узоқ муддатдан сўнг Андижонга бизнинг делегациямиз ташриф буюрди. Бу тадбир очиқликнинг рамзи эмасми?! Ўзбекистоннинг янги раҳбарияти илгари алоқалар музлатилган, ёки қисман музлатилган давлатлар билан қайта муносабат тузишга тайёр эканини кўрсатди.
Буни МДҲнинг бошқа раҳбарлари ҳам сездилар.  Ислом Абдуғаниевичнинг  қабрини зиёрат қилгани Ўзбекистонга Владимир Путин, Нурсултон Назарбоев, Александр Лукашенколар  бордилар.  Мундоқ ўйлаб қарасанг , Белорусиянинг  Ўзбекистон билан умумий чегараси йўқ. Бизда эса, қисман жой-жойларда охиригача аниқланмаган- умумий чегарамиз бор. Шунингдек, икки томонда бир – бирининг дийдорига ташна  бўлган қариндош-биродарлар бор. Икки ўртада савдо-сотиқни ривожлантиришга интиқ бўлган тадбиркорлар бисёр.
Иймоним комилки, бизнинг президентимиз расмий Тошкентнинг кайфиятидаги ўзгаришлардан фойдаланиб қолиши керак. У албатта биринчи навбатда  ўша ерга бориши керак. Бошқа раҳбарларнинг ташрифлари олдида,  бу тадбир  тил қисиқликка йўйилмайди.  Ўз мамлакати учун буюк ишларни қилган марҳум президентнинг хотирасини ёд этишдай  қулай сабабни қўлдан чиқариб бўлмайди. Бизнинг давлат бошлиғимиз билан Ўзбекистоннинг бўлажак президенти орасида ўзининг ечимини кутаётган долзарб масалалар қатор турибди: чегаралардан бошлаб, бизнинг ҳудудимиз  ер остига жойлашган ва Ўзбекистон фаол фойдаланаётган Бурганди газсақлаш омбори масалалари, ўз ечимини кутаётган сув муаммолари..
Мен, албатта бундай бошқа давлатларга бўладиган ташрифлар бир ой ичида эмас, йил бўйи тайёрланишини биламан. Лекин шундай вазиятлар юзага келадики, ўз томонига узатилган дўстлик қўли ҳавода муаллақ қолмаслиги учун, тезроқ харакат  лозим бўлади. Айтгандай, Атамбаевнинг Шавкат Мирзиёев билан позитив нукндаги ҳамкорлик тажрибаси ҳам бор. Ўша фожиявий июн воқеалари пайтида  Атамбаев ўзи айтиб берганидек, у Вақтли Хукуматдан фақат Мирзиёев билан тўғридан-тўғри боғланиб тургани сабаб, конфликт  кенг ёйилиб кетилишига йўл қўйилмаган.  Шунинг учун  Алмазбек Шаршеновичга, ўз иш жадвалига Ўзбекистонга ташрифини киритиб қўйишни маслахат қилган бўлардим. Бундан  Қирғизистон кўп ютуққа эришиши муқаррардир.
 
Бўлим мақолалари
07.09.2017 Ўзбекистон президентининг ўз танлови
Ушбу ҳафтада Қирғизистонга Ўзбекистон президенти Шавкат Мирзиёев ташриф ясади. Бу ташриф- тарихий ташриф эканлиги тан олинди. Бунинг натижаси ўлароқ ўн йилликлар давомида ечимини кутиб ётган муаммо – чегара масалалари ечилди. Қирғизистон билан Ўзбекистон муносабатлари принципиал янги босқичга кўтарилди.
21.08.2017 Шимол-Жануб: янги Бош вазир билан янги мувозанат
Яқин кунлар ичида расмий эълон қилингандай, амалдаги Бош вазир Сооронбай Жээнбеков ўз ваколати топшириб, президентлик компанияси билан тиғиз шуғуллана бошлайди
27.06.2017 Шоҳлар нима қилаоладилар?
Қирғизистон навбатдаги президент сайловлари арафасида. Сооронбай Жээнбеков,Омурбек Бабанов, Темир Сариев ва бошқа номзодлар президент лавозимини эгаллаш учун мусобақага чиқадиган кез. Номзодлардан бири бўйнига президентлик нишони илинган шоколад нусхаси билан безалган тортга буйрутма берди. Бироқ бу лавозим бугунги кунда соҳибига қандай ваколатларни бераолади?
14.06.2017 Интернетда миллатлараро низоларни гиж-гижловчи пасквил чиқди
Ижтимоий тармоққа Ўзбекистон тузумига муҳолифат бўлганларнинг интернет газетаси қандайдир матн чоп этилган. Кейин эса у бошқа эмиграциядаги ресурсларда қайта босилган. Ушбу чиқишлар юртимиздаги бўлажак президентлик сайловлари билан боғлиқ эканига шубҳа қилмаса ҳам бўлади. Матн устига қўйилган фото суратларда Алмазбек Атамбаев билан Омурбек Бабанов акс этган.
08.06.2017 Бу сафар Қирғизистон жануби ўзбеклари ким учун овоз беради?
Икки йил муқаддам Жогорку Кенгаш сайловлари арафасида Агентлигимиз республикамизда фаолият кўрсатаётган сиёсий партияларнинг таҳлилий нуқтаи назардан плюс ва минусларига эътибор қаратган мақолани кенг жамоатчилик эътиборига ҳавола қилган эди. Умуман олганда бизнинг таҳминларимиз тўғри чиққанди. Бу сафар мамлакатимиз янги бурулиш – президентлик сайловлари даврига келди. Энди бу сафарги сайловларда асосан жанубий ҳудудда жойлашган ўзбек этник гуруҳи ким учун овоз беради?
29.10.2016 Навбатдаги Қирғизистон президенти жанубдан бўладими?
Ўтган сафар биз бўлгусидаги Бош вазирни тайинловида хукумат кризиси ва бошқарув коалициянинг тарқаб кетиши қандай таъсир этишини таҳлил этган эдик. Эслатиб ўтамиз, агар бизнинг анализларимиз тўғри бўлса, коалициянинг тарқалиши , унга атайлаб «Республика»ни киритиш учун кўрилган чорадир. Аниқроқ айтганда, бу чора Бош вазир курсисига ўша партия ва унинг фракциясининг лидери Омурбек Бабановга йўл очишдан иборат эди. Агар бу тайинлов ҳозирда бўлмасада, ҳар қалай яқин ойлар орасида амалга ошиши мумкин. Лекин бугун бизни Атамбаевнинг ўрнига ким президент бўлиши қизиқтиради.
25.07.2016 Туркиянинг «Троя оти» ўз «кароматини» бошлайдими?!
Қирғизистон мустақил давлат эканини эслатиб қўймоқни ўринли деб хисоблаймиз. Биз ўзимиз учун нима яхши , нима ёмон эканини яхши биламиз. Шунинг учун бошқа давлатнинг ташқи ишлар вазирини қандай иш тутишимизга йўл-йўрик кўрсатишига ва умуман ультиматум ва шантаж тилида сўз юритишига йўл бермаймиз.