20.04.2026 17:33 Одилжон Дадажонов Ўш 333

ШАВКАТ РАҲМОН ЎШГА ҚАЙТДИ

ЎШ. 20 апрел – Альянс-Пресс. Бугун Бобур номидаги Ўш давлат академик ўзбек мусиқали драма театрида атоқли ўзбек шоири Шавкат Раҳмон таваллудининг 75 йиллигига бағишланган тантанали юбилей кечаси юқори савияда бўлиб ўтди.



Мазкур маданий-маърифий тадбир ТЮРКСОЙ ҳамжамияти, Қирғизистон ва Ўзбекистон Ёзувчилар уюшмалари ҳамкорлигида ташкил этилди. Кечада шоирнинг ҳаёти ва ижоди, унинг ўзбек ва туркий адабиёти тараққиётига қўшган улкан ҳиссаси алоҳида эътироф этилди.
 
Тадбирда Қирғиз Республикаси Давлат котиби Арслон Кўйчиев,ТЮРКСОЙ Бош котиби Султон Раев, Ўш шаҳар мэри Жанар Акаев, Қирғизистон, Ўзбекистон ва Озарбайжон Миллий ёзувчилар уюшмалари аъзоси Бегижан Аҳмедов иштирок этдилар.
 
Шунингдек, Ўзбекистон Ёзувчилар уюшмаси раисининг биринчи ўринбосари,сенатор Минҳожиддин Ҳожиматов, раис ўринбосари Ғайрат Мажидов, Ўзбекистон халқ ёзувчиси, “Тафаккур” журнали бош муҳаррири Эркин Аъзам, Ўзбекистон халқ шоири Усмон Азим, Ўзбекистон Журналистлар уюшмаси раиси Шуҳрат Ориф ҳамда шоирнинг рафиқаси Манзура Раҳмонова тадбирда қатнашиб, ўз фикр-мулоҳазалари билан ўртоқлашдилар.
Шу билан бирга, “Сайланма” китоби муҳаррири Салим Ашур, Андижон вилояти бўйича Ёзувчилар уюшмаси бўлими раҳбари Хуршида Қўчқорова, профессор, адабиётшунос Баҳодир Раҳмонов, “Адабиёт” нашриёти бош директори Нодир Сувонов, адабиётшунос олим Отабек Жўрабоев, тадбир ташкилий ишлари бўйича масъул Муҳаммад Сиддиқ ҳамда ахборот ва матбуот хизмати бўлими раҳбари Фозил Фарҳод каби қатор зиёлилар ҳам иштирок этдилар.
 
Тадбир давомида Шавкат Раҳмоннинг шеъриятидан намуналар ўқилди, унинг ижодий мероси, замонавий ўзбек адабиётида тутган ўрни ва ёш авлод тарбиясидаги аҳамияти ҳақида маърузалар тингланди.
 
Ушбу адабий кеча нафақат шоир хотирасига эҳтиром рамзи, балки қардош халқлар ўртасидаги маданий-адабий алоқаларни янада мустаҳкамлашга хизмат қилган муҳим воқеа сифатида эътироф этилди.
 

---

13.06.2026	Ўш шаҳрида “Менинг Шавкат Раҳмон акам” китоби тақдимоти бўлиб ўтди ЎШ. 13 июн – Альянс – Пресс. Бобур номидаги Ўш давлат академик ўзбек мусиқали драма театри катта томоша залида халқаро тоифадаги журналист,ёзувчи Сарвар Усмоннинг янги нашр этилган “Менинг Шавкат Раҳмон акам” китоби тақдимоти бўлиб ўтди.
24.05.2026
21.05.2026
20.05.2026
29.04.2026
27.04.2026
18.04.2026	Халқаро ҳамкорлик : Қадим ва навқирон Ўшда гуллар диёри Наманган нафаси ЎШ. 18 апрел - Альянс-Пресс. Ўзбекистон ва Қирғизистон ўртасидаги ҳамкорликнинг янги даври ҳар соҳада изчил амалий натижалар бермоқда
27.03.2026	Тошкентда Маъсудбек Ҳоловнинг «Alp Turon izidan» номли шахсий кўргазмаси очилиши бўлиб ўтди 2026 йил 27 март куни Тошкентдаги Фотосуратчилар уйида Ўзбекистон Бадиий ижодкорлар уюшмаси аъзоси, иқтидорли рассом Маъсудбек Ҳоловнинг «Alp Turon izidan» номли шахсий кўргазмасининг очилиш маросими бўлиб ўтди.
27.02.2026
24.02.2026