01.05.2017 01:16 Ўш 2744

Гўзал туҳфа

30 апрел куни Ўзбекистон Республикаси пойтахтидан Ўш шаҳрига Заҳириддин Бобур номли театр учун катта юк келди


Унда гўзал манзарали театр декорациялари ва шарқона қимматбаҳо ўрта аср костюмлари ўрин олган эди. Ажойиб ва бежирим ишланган саллалар ва аёлларнинг  «тантур» сингари бош кийимига қадалган турли рангдаги сержило тошлар, ҳамда ажнабий юртларнинг гўзал  қушларининг турли рангдаги патларидан  қадалган жиғалар. Ранго-ранг, турли тошлар ва қимматбаҳо мўйналар билан безатилган зарбоф тўнлар, гумбази яхтак, абболар, жиббалар ва жуда ҳам нафис, чиройли ишланган хушбичим аёлларнинг кийимлари. Учлари қайрилган оқ-қора, кумуш ва заррин рангдаги ажабтовур пойафзаллар. Аскарий совутлар ва қурол-аслаҳа – эгри қиличлар, серҳашам ханжарлар, қалқонлар… Ҳаммаси гули гул ўзбек усталарининг ижод маҳсулидир. Бу каби маънавий бойлик – 2 миллион 43 минг қирғиз сомлик декорация ва костюмлар Ўшдаги Заҳириддин Бобур номли театрнинг ижодий жамоаси  учун том маънода гўзал туҳфа бўлди.

Илгари қайд этганимиздек,  ҳамюртимиз бўлган бетакрор шоир ва шоҳ Бобур Мирзонинг хаёт ва ижод йўлига бағишланган спектакл учун декорация ва костюмларни  тайёрлаб бериш бўйича мажбуриятни,  ўтган йили кузда Ўш шаҳрига ташриф этган Ўзбекистон Республикасининг катта делегациясига етакчилик қилган  Бош вазир ўринбосари Адҳам Икромов Ўзбекистон Маданият вазирлиги зиммасига олган эди.
Мана орадан ҳеч қанча вақт ўтмай, ваъда қилинган маҳобатли декорациялар ва бир-биридан гўзал элликдан зиёд артистлар учун индивидуал тарзда таёрланган костюмлар театримиз коллективига тақдим этилди. З.Бобур номли Давлат академик мусиқа – драма театри директори Набижон Мамажонов «Альянс-Пресс» ахборот агентлигига берган интервьюсида : -«Ушбу биз учун бебаҳо бойликка эга бўлишимизга, айниқса кейинги даврда Қирғизистон ва Ўзбекистон халқлари орасида, унинг Президентларининг ташаббуслари билан кенг қулоч ёйган дўстлик ришталарини мустаҳкамлаши сабаб бўлди»,-деди. Шунингдек у маданиятимиз ва санъатимизга кўрсатилган ғамҳўрлик учун Ўзбекистон раҳбарияти ва шахсан Президент Шавкат Мирзиёевга театр жамоаси номидан чуқур миннатдорчилигини билдирди. Театр маъмуриятининг  яна бир баёнотига кўра, Мирзо Бобурнинг ёрқин  ҳотирасига бағишланган «Бобур туғёни» номли спектаклни тантанали топшириш маросими 5 май кунига белгиланган. Ушбу саҳна асари буюк адибимиз Пиримқул Қодировнинг «Юлдузли тунлар» тарихий романи асосида қўйилади.
 
Бўлим мақолалари
12.02.2025 Ўзбекистон Миллий Театри артистлари Ўшда
ЎШ. 12 феврал – Альянс-Пресс. Ўзбекистон Миллий Театри Артистлари Ўшдаги Бобур театрига ташриф буюрдилар
12.02.2025 Ўзбекистон Миллий Театри артистлари Ўшда
ЎШ. 12 феврал – Альянс-Пресс. Ўзбекистон Миллий Театри Артистлари Ўшдаги Бобур театрига ташриф буюрдилар
10.02.2025 Ўш шаҳрида икки буюк мутафаккир Алишер Навоий ва Заҳириддин Бобур таваллуд кунларига бағишланган катта тадбир ўтказилди
ЎШ. 10 феврал – Альянс-Пресс. Қирғизистоннинг Ўш шаҳрида икки буюк мутафаккир Алишер Навоий ва Заҳириддин Бобур таваллуд кунларига бағишланган катта тадбир ўтказилди. Тадбир Ўзбекистон Республикасининг Халқаро “Ватандошлар” фонди ва Қирғизистон Республикасининг Ўзбек миллий-маданий маркази ташаббуси билан амалга оширилди.
08.02.2025 НАВОИЙГА ЕТМОҚ БАХТИ
Буюк бобокалонимиз Амир Низомиддин Алишер Навоий ҳазратларининг бетимсол ижоди ул мўътабар зот ўзлари таърифлаганидек, дунё мамлакатларини забт этган чинакам умумбашарий ижодиётдир. Ґазрат бобомизнинг бой адабий мероси — юксак инсонпарварлик ғоялари, эзгулик ва дўстлик, бағрикенглик ва меҳр-мурувват сингари мангу мавзуларни тараннум қилиши билан оламшумул аҳамиятга молик. Девон ва достонлари вақт ҳамда макон танламайди, жуғрофий-чегаравий сарҳадларга бўйсунмайди.
28.01.2025 Диққат! “Ватандошлар” жамоат фонди ғазал мулки султони, давлат ва жамоат арбоби Алишер Навоий таваллудининг 584 йиллигига бағишланган ижодий ишлар танловини эълон қилади
ТОШКЕНТ. 28 январ – Альянс-Пресс. Ўзбекистон Республикаси “Ватандошлар” жамоат фонди ғазал мулки султони, давлат ва жамоат арбоби Алишер Навоий таваллудининг 584 йиллигига бағишланган ижодий ишлар танловини эълон қилади.
16.01.2025
13.12.2024
04.12.2024
21.11.2024
19.11.2024 Ўшда “Мақом жозибаси” концерти бўлиб ўтди
ЎШ. 19 ноября – Альянс-Пресс. Бобур номли Академик ўзбек мусиқали драма театрида “ Мақом жозибаси” деб номланган ҳисобот концерт бўлиб ўтди.