14.06.2017 14:56 М.Қозоқбоев 1616

Интернетда миллатлараро низоларни гиж-гижловчи пасквил чиқди

Ижтимоий тармоққа Ўзбекистон тузумига муҳолифат бўлганларнинг интернет газетаси қандайдир матн чоп этилган. Кейин эса у бошқа эмиграциядаги ресурсларда қайта босилган. Ушбу чиқишлар юртимиздаги бўлажак президентлик сайловлари билан боғлиқ эканига шубҳа қилмаса ҳам бўлади. Матн устига қўйилган фото суратларда Алмазбек Атамбаев билан Омурбек Бабанов акс этган.

Матннинг маъноси бўйича Жалолобод вилоятида ўзбеклар ўзларини «иккинчи сорт» одамлари деб ҳисоблайдилар. Бу ҳудудда давлат муассасаларида ишлаётган бирор ўзбек миллатига мансуб врач ёки ҳамшира қолмаган. Оддий ўзбеклар учун дорихоналарда дориларни баланд нарҳда сотидилар. Бу албатта хақиқатга зид сўзлар. Ўшда ҳам, Жалолободда ҳам ўзбек миллати вакилларидан ҳам медиклар оз эмас. Ҳориждаги муҳожирлар балки бизнинг аптекаларда оддий аналгинни ҳам паспортга қараб сотадилар деса ишонсалар керак-да?!
Шунингдек юқоридаги матнда Жалолобод вилоятида «ўзбек ва тожик тилдаги мактаблар сони кескин камаймоқда» дейилган. Ваҳоланки, илгари ва ҳозирда ҳам Қирғизистон бўйича фақат Боткент вилоятига қарашли Лайлак ва Қадамжой туманларида тожик тилли мактаблар бўлган ва ҳозир ҳам фаолият кўрсатмоқда.
Шунингдек ё АҚШ, ё Канадада истиқомат қилаётган - шу матннинг муаллифи ҳеч қандай далолатсиз Омурбек Бабановни ўзбек этник гуруҳларига хақида миллатчилик руҳидаги гапларни айтиб юрибди (Шахсан ўзим бундай гапларни эшитмаганман), деб айбламоқда.
Хўш бу борада нима дейиш мумкин? Бу хақда фақат битта нарсани айтиш керак. Бу ўзбек ва рус тилларида тайёрланган анчайин йўнилмаган ва нўноқ матн ҳорижий маҳсус хизматларнинг иши экани аниқ. Буни  ташқаридаги ҳолис бўлмаган кучларнинг юртимизда бўлажак сайловлар арафасида вазиятни издан чиқаришга бўлган харакат деб тушуниш мумкин. Энг ачинарлиси бу каби провокация уларнинг охирги уринишлари бўлмаса керак деган хавотирларни пайдо қилмоқда. Шунингдек ҳорижий «меҳрибонларга» дорихона ва мактабларни ўрганишни Манхеттен каби шахарлардан бошлашни тафсия қилар эдик. Биз Қирғизистон фуқаролари ўз масалаларимизни ўзимиз ечишга харакат қиламиз. Бизларнинг бор ва уйдурма – тўқилган муаммоларимизни чайқов қилишни бас қилсинлар. Қирғизистондаги тинчлик ва барқарорликка раҳна солаётган қора кучлар ниятларига етмагайлар.
 
Бўлим мақолалари
07.09.2017 Ўзбекистон президентининг ўз танлови
Ушбу ҳафтада Қирғизистонга Ўзбекистон президенти Шавкат Мирзиёев ташриф ясади. Бу ташриф- тарихий ташриф эканлиги тан олинди. Бунинг натижаси ўлароқ ўн йилликлар давомида ечимини кутиб ётган муаммо – чегара масалалари ечилди. Қирғизистон билан Ўзбекистон муносабатлари принципиал янги босқичга кўтарилди.
21.08.2017 Шимол-Жануб: янги Бош вазир билан янги мувозанат
Яқин кунлар ичида расмий эълон қилингандай, амалдаги Бош вазир Сооронбай Жээнбеков ўз ваколати топшириб, президентлик компанияси билан тиғиз шуғуллана бошлайди
27.06.2017 Шоҳлар нима қилаоладилар?
Қирғизистон навбатдаги президент сайловлари арафасида. Сооронбай Жээнбеков,Омурбек Бабанов, Темир Сариев ва бошқа номзодлар президент лавозимини эгаллаш учун мусобақага чиқадиган кез. Номзодлардан бири бўйнига президентлик нишони илинган шоколад нусхаси билан безалган тортга буйрутма берди. Бироқ бу лавозим бугунги кунда соҳибига қандай ваколатларни бераолади?
08.06.2017 Бу сафар Қирғизистон жануби ўзбеклари ким учун овоз беради?
Икки йил муқаддам Жогорку Кенгаш сайловлари арафасида Агентлигимиз республикамизда фаолият кўрсатаётган сиёсий партияларнинг таҳлилий нуқтаи назардан плюс ва минусларига эътибор қаратган мақолани кенг жамоатчилик эътиборига ҳавола қилган эди. Умуман олганда бизнинг таҳминларимиз тўғри чиққанди. Бу сафар мамлакатимиз янги бурулиш – президентлик сайловлари даврига келди. Энди бу сафарги сайловларда асосан жанубий ҳудудда жойлашган ўзбек этник гуруҳи ким учун овоз беради?
29.10.2016 Навбатдаги Қирғизистон президенти жанубдан бўладими?
Ўтган сафар биз бўлгусидаги Бош вазирни тайинловида хукумат кризиси ва бошқарув коалициянинг тарқаб кетиши қандай таъсир этишини таҳлил этган эдик. Эслатиб ўтамиз, агар бизнинг анализларимиз тўғри бўлса, коалициянинг тарқалиши , унга атайлаб «Республика»ни киритиш учун кўрилган чорадир. Аниқроқ айтганда, бу чора Бош вазир курсисига ўша партия ва унинг фракциясининг лидери Омурбек Бабановга йўл очишдан иборат эди. Агар бу тайинлов ҳозирда бўлмасада, ҳар қалай яқин ойлар орасида амалга ошиши мумкин. Лекин бугун бизни Атамбаевнинг ўрнига ким президент бўлиши қизиқтиради.
14.10.2016 Атамбаевни Тошкентга бориш фурсати етди
Биз Қирғизистон президентининг Қофқозортига қилган ташрифини диққат билан кузатмоқдамиз. Гарчи Гуржистон билан иқтисодий алоқаларимиз анчайин сийрак бўлсада, дўстлик ришталарини улаш керак. Ха, албатта бугун, илгариги совет давридай”Боржоми”га ёлчиб қолдик, дўконларда грузин мусалласи ҳам сероб. Лекин гуржиларга, биз қайси маҳсулотни етказиб бераётирмиз? Буни билмайман. Лекин биз учун бунданда аҳамиятли ишлар бор. Қофқозорти яхшику-я, лекин яқин қўшни, узоқ қариндошдан аъло эмас-ми?!
25.07.2016 Туркиянинг «Троя оти» ўз «кароматини» бошлайдими?!
Қирғизистон мустақил давлат эканини эслатиб қўймоқни ўринли деб хисоблаймиз. Биз ўзимиз учун нима яхши , нима ёмон эканини яхши биламиз. Шунинг учун бошқа давлатнинг ташқи ишлар вазирини қандай иш тутишимизга йўл-йўрик кўрсатишига ва умуман ультиматум ва шантаж тилида сўз юритишига йўл бермаймиз.