28.08.2020 15:41 Бишкек 784
БИШКЕК. 28 август – Альянс-Пресс. Ютуби ижтимоий тармоғининг видео лавҳалари бирида «Бутун Кыргызстан» партиясидан парламентга отланган сиёсатчи Турсунбой Бакир ўғли чиқиш қилди. Собиқ парламент вакили Жогорку Кенгашга номзодлар тизмасида биринчи ўнлик ваъда қилинганини бироқ «Бутун Кыргызстан» партияси лидери Адахан Мадумаров уни огоҳлантирмай орқа ўринларга силжитиб юборганидан шикоят қилди.
Бакир ўғлининг айтишича, партиянинг съездининг тасдиқлови билан у номзодлар рўйхатининг олдинги қатори бўлган. Бироқ ундан партия лидери Адахан Мадумаров 200 тысяч доллар беришни талаб қилганмиш. Собиқ депутат шу ўрнида қолиши учун 10 минг доллар таклиф қилганмиш. Лекин минг афсуски ўн мингаям мушук офтобга чиқмай қўйибди шекилли пулдор номзодлар Турсунбой Бакирни тизмадан бира тўла силжитиб юборишганмиш.
Номзодлар тизмасини текшириб, ўз фамилияси ўрнини билиб олай деса ўзгартирилган рўйхатни Адахан Мадумаров беркитиб олиб кўрсатмаяпди экан.
Турсунбой Бакир ҳам анойилардан эмас, агар партия мутаъсадилари уни қайтиб ўз ўрнига қўймасалар, унинг ўзи «Бутун Кыргызстан»ни судга бериб ҳумордан чиқмоқчи.
Лекин генералитет билан ( бир томонида генерал Омурбек Суваналиев, иккинчи томонида генерал Курсан Асанов) ўралган Адахан Мадумаров ҳам ўз фикрида қаттиқ турибди экан. Улар суддан чўчийдиганга ўхшамасмиш. Буларнинг қаттиқ туришидан норози бўлиб «Бутун Кыргызстан»дан кечишиб, собиқ Бош вазир Темир Сариев ва экс депутатлар Кубанычбек Исабеков, Мурадыл Мадеминов, Абдыманап Кутушевлар тарк этишибди…
Бўлим мақолалари
| 09.02.2022 |
|
| 07.12.2021 |
|
| 29.11.2021 |
|
| 27.11.2021 |
|
| 25.11.2021 |
|
| 19.11.2021 |
|
| 04.11.2021 |
|
| 29.10.2021 |
|
| 25.10.2021 |
|
| 24.10.2021 |
|
