18.09.2020 16:43 Бишкек 161

Халқимизнинг сайловларга муносабати ўзгардими?

БИШКЕК.18 сентябр – Альянс-Пресс. Бугун кўпчиликни Қирғизистон Республикаси Жогорку Кенгашига сайловлар қай тарзда ўтиши қизиқтирмоқда. Бу сафарги сайловларда овоз сотиб олиш ҳоллари бўладими-йўқми?! Айнан шу масала хақида журналист Семетей Талас ўғли «Фабула пресс» газетасининг бугунги №50 сонида фикр билдирган.



Семетей Талас ўғлига кўра бу сайловларда халқимиз ўз овозларини яна сотади. Йўқ деганда халқ партиялар тарқатаётган пулларни оладида, бироқ сайлашга келганда ўз билганини қилади. Эл оғзига элак тутиб бўлмаганидек, кўча-куйларда партиялар 3000-4000 сомдан тарқатиб юрганмишлар. Агар оилангизда 5 киши бўлса, 20 минг сом билан бир ойлик сарф-харажатингиз кўтарилиб қоларкан. Ташвиқотчилар ҳам: «Қайси партиядан пул олсангиз ўша партияга овоз беринг»,- деб айтишади. Шунинг учун ҳар бир оиладан иккки-уч киши пул берган партияни сайлаши тайин.

Лекин, бошқа томондан қараганда, халқнинг сайловларга муносабати ўзгарганини сезса бўлади. Пандемия вақтида халқни кўзи мошдек очилиб қолди. Куни кечаги карантинда ўтирган  халқнинг аҳволи билан қизиқмаган кишилар бугун пул сочиш билан оворалар. Ақлли-ҳушли инсонларни бу ҳолат анча ҳушёр тортишга мажбур қилди. Уларнинг кўпчилиги – «куни кеча коримизга ярамаганларни нечук сайлашимиз керак»  демоқдалар. Масалан «Қирғизистон» партияси ўзларининг «Ҳар фарзанд туғилишида 50 минг сом нафақа тўлаб берилади» каби пуч ваъдалари билан сайловчиларнинг ижирғанишларига сабаб бўлмоқдалар.

Ким биладику, бироқ «Қирғизистон» партияси сафида парламент қайта сайловга отланган амалдаги Жогорку Кенгаш спикери – раиси Дастанбек Жумабеков, ўз ўғлига Дастан деб исм қўйган ёш жувонга туғруқхона остонасида 50 минг сом «суюнчи» пул бериб балога қолди.
Уни Қирғизистон парламенти спикерини сайловлар хақидаги қонунига кўра, ушбу «почин»и Марказий сайлов комиссиясида кўрилиб чиқилди.

Лекин «Қирғизистон» партиясининг дастурий вазифасини амалга ошиши мумкинлигини кўрсата олган Дастан Жумабеков сайлов марафонидан олингани йўқ. Унга шунингдек жарима ҳам, ҳайфсан ҳам берилмади. Негаки «суюнчи» парламент раисининг ўз чўнтагидан эмас, парламент раиси жамғармасидан топширилгани учун бу пуллар пора деб ҳисобланмасмиш.

Энди сайловчиларни – « Амалдаги спикернинг ўз исми билан «Дастан» қўйилган бола учун суюнчи пул нега мамлакат парламенти раиси жамғармасидан тўланиши керак», деган савол қийнай бошлади.
 
Бўлим мақолалари
05.10.2020
03.10.2020
24.09.2020
11.09.2020
08.09.2020
04.09.2020
02.09.2020
29.08.2020 «De факто» : «Мекеним Кыргызстан» партияси сайлов кодексини бузмоқда, дейди
БИШКЕК.29 август – Альянс-Пресс. Кеча пойтахт газетаси «De факто» ўз саҳифасида «Мекеним Кыргызстан» партияси сайлов кодексини қўпол равишда бузаётганини эътироф этди. 23 августдан бошлаб интернетда «Мекеним Кыргызстан» партиясининг номига ўхшаш темадаги қўшиқ янграмоқда. Қўшиқда «Мекеним Кыргызстан» сўзи бир неча бор такрорланаётгани учун, бу сайлов кампаниясини белгиланган 4 сентябрдан аввал бошлаб юборганини англатади, деб ёзади газета.
28.08.2020 Ташайсан яшайсанда!? «Бутун Кыргызстан» партиясини Турсунбой Бакир ўғли судга бермоқчи!
БИШКЕК. 28 август – Альянс-Пресс. Ютуби ижтимоий тармоғининг видео лавҳалари бирида «Бутун Кыргызстан» партиясидан парламентга отланган сиёсатчи Турсунбой Бакир ўғли чиқиш қилди. Собиқ парламент вакили Жогорку Кенгашга номзодлар тизмасида биринчи ўнлик ваъда қилинганини бироқ «Бутун Кыргызстан» партияси лидери Адахан Мадумаров уни огоҳлантирмай орқа ўринларга силжитиб юборганидан шикоят қилди.
25.08.2020 Энди «Кыргызстан» сайловга қатнаша олмайди! «Бир бол» га эса йўл очилди…
БИШКЕК.25 август – Альянс-Пресс. Қирғизистон Республикаси Бош сайлов қўмитаси ўзининг бугунги ишчи йиғилишида «Кыргызстан» партиясининг ҳужжатларини қайтариш хақида қарор қабул қилди. Бу хақида Қирғизистон Республикасининг БСК си матбуот котибияти маълум қилди.