15.12.2018 17:24 333

“Ўзбекнефтгаз” АЖ 2,3 млрд.АҚШ доллар миқдорида молияни жалб этмоқда

Тошкент. (Альянс-Пресс) Нефт ва газ соҳасидаги Ўзбекистоннинг энг муҳим инвестицион лойиҳаларидан бири бўлган “Uzbekistan GTL” лойиҳасини амалга ошириш доирасида 15 декабрда Ўзбекистон пойтахтидаги Хаёт меҳмонхонасида умумий қиймати 2.3 млрд. АҚШ доллари миқдорида молиялаштириш ҳужжатларини имзолаш маросими ўтказилди.


Ушбу маросимда Ҳитой тараққиёт банки, Корея Экспорт –импорт банки( KEXIM), Корея Савдо ва суғурталаш банки( K-SURE), “Газпромбанк” Акциядорлик Жамияти суғуртаси бўйича Россия агентлигии(ЭКСАР), «Credit Suisse”(Швейцария)банки, Япониянинг MUFG, SMBC ва Mizuho банклари, ҳамда лойиҳанинг халқаро маслахатчилари, Ўзбекистондаги Ҳитой, Корея,Россия элчихоналарининг вакиллари, “Ўзбекнефтегаз”АЖ, вазирлик ва муассасалари, Ўзбекистон Реконструкция ва тараққиёт фонди раҳбарияти, ЕРС пудратчисининг вакиллари – Hyundai Engineering Co.Ltd , Hyundai Engineering and Construction Co.Ltd, Enter Engineering Pte Ltd ва бошқалар иштирок этдилар.
“Ҳозирги кунда Ўзбекистон ўз олдига иқтисодий ривожланиш бўйича янги мақсад ва вазифалар қўймоқда. “Uzbekistan GTL” каби замонавий корхоналарни қурилиши Ўзбекистоннинг бошлаган ислохатларни давом эттиришга бўлган тўлиқ қатъиятининг ёрқин исботидир ”-деб ўз табрик нутқида таъкидлади “Ўзбекнефтгаз” АЖ Бошқарув раиси Баҳром Ашрафхонов.
Сўнг молиялаштириш институтлари, “Uzbekistan GTL” лойиҳа корхонаси ва “Ўзбекнефтгаз” АЖ вакиллари кредит ва молиявий ҳужжатларини имзолаш маросимини ўтказдилар.
“Қашқадарёдаги Шўртон GTL заводи “Евро-5” стандартларига жавоб берадиган  1.5 млн. тоннадан ортиқ юқори сифатли синтетик суюқ ёқилғи ишлаб чиқаради. Бу каби GTL  ёки” газдан суюқлик” технологиясига асосланган юқори юқори технологияли ишлаб чиқаришлар дунё бўйлаб саноқлидир – улар Жанубий Африка Республикаси, Малайзия ва Қатарда мавжуд холос”, -деди журналистлар билан мулоқатда “Ўзбекнефтгаз” АЖ Бошқарув раиси Баҳром Ашрафхонов.

Маълум бўлишича, бугунги кунга қадар заводни қуриб битказиш ишлари 65 фоизга амалга оширилган. Қурилиш ишлари илдамлик билан олиб борилаётир. Қурилиш майдонида 5 мингдан зиёд ишчи ва мутаҳасислар, жумладан чет эллик мутаҳасислар меҳнат қилмоқда. Шунингдек завод қурилиш майдонига 500 га яқин маҳсус ва оғир ўлчамли техника сафарбар этилган.
 
Бўлим мақолалари
20.02.2019
16.02.2019
11.02.2019
31.01.2019
26.01.2019
17.12.2018 Қирғизистондан маблағларнинг чиқиб кетиши кескин равишда ошди
Бишкек. (Альянс-Пресс)- Охирги 10 ой ичида Қирғизистондан 56,4 млн. АҚШ доллари ташқарига чиқиб кетган. Бу хақида ҚР Миллий банки сайти маълумот берилган.
12.12.2018 Ўзбекистонда ташқи ва ички сармоялар хажми ошмоқда
Тошкент. (Альянс-Пресс)- Ҳозирги пайтда умумий хажми 25 млрд. доллар бўлган 89 лойиҳани амалга ошириш ишлари қизғин юргизилмоқда. Бу хақда Ўзбекистон Республикасининг инвестиция бўйича Давлат комитети вакиллари маълум қилдилар.
08.09.2018
30.08.2018 Ўзбекистоннинг Жиззах вилоятида Халқаро инвестицион форум бўлиб ўтди
    2018-йилнинг 29-30 август кунлари Жиззахда Халқаро инвестицион форум бўлиб ўтди. Ушбу тадбирдан кўзланган мақсад Жиззах вилоятининг инвестицион салоҳиятини намоён этиш ҳамда ишлаб чиқарувчиларининг миллий кўргазмасини ташкил этишга қаратилганди. Тадбир давлат инвестициялар қўмитаси, Жиззах вилояти ҳокимлиги, Ўзбекистон ташқи ишлар вазирлиги ҳамда Савдо-саноат палатаси   ҳамкорлигида ўтказилди
27.08.2018 Ўзбекистоннинг Жиззах вилоятида Халқаро инвестицион форум доирасида товар ишлаб чиқарувчилар Миллий кўргазмаси бўлиб ўтди
28 августдан 30 августга қадар Жиззах олимпия заҳиралари коллежи ҳудудида Халқаро инвестицион форум доирасида товар ишлаб чиқарувчилар Миллий кўргазмаси бўлиб ўтади. Тадбир ташкилотчилари сифатида Ўзбекистон республикаси инвестициялар бўйича Давлат қўмитаси ва Жиззах вилоят ҳокимлиги қатнашмоқда.