24.08.2020 15:55 161

Ўзбекистон хавфсизлик хизмати 14 кг.дан ортиқ олтин қуймаларини мусодара қилди

ТОШКЕНТ. 24 август – Альянс-Пресс. Давлат хавфсизлик хизмати ходимлари Тошкент шаҳар Иқтисодий жиноятларга курашиш департаменти билан ҳамкорликда ноқонуний олтин айланмасининг олдини олиш мақсадида тезкор тадбир ўтказди. Бу хақда Ўзбекистон ТИВги матбуот хизмати маълум қилди.



Хусусан, Тошкент шаҳридаги “Шарқ” йўл патрул хизмати масканида 1975 йил Андижон вилоятида туғилган, муқаддам судланган А.Нуриддинов бошқарувидаги “Кобальт” русумли автомашина тўхтатилиб, текширилганда, автомашина юкхонасида қора политилен пакетларга скочлаб ўралган, жами 14 кг 238 гр. бўлган 16 дона олтин қуймалари борлиги аниқланди.
 
Аниқланишича, ушбу олтин қуймаларини фуқаро Нуриддинов Тошкент вилояти Қибрай туманидаги уйида қонунга хилоф равишда қўлбола усулда тайёрлаган бўлиб, кейинчалик уларни Андижон ва Наманган вилоятларига олиб бориб, сотишни режалаштирган.
  
Амалдаги қонунчиликка кўра, олтинни қуйма шаклга ва юқори асиллик даражасига келтириб олди-сотди қилиш тақиқланган бўлиб, ушбу ҳаракатлар учун Ўзбекистон Республикаси Жиноят Кодексида жиноий жавобгарлик назарда тутилган.
 
Ҳозирда мазкур ҳолат бўйича терговга қадар суриштирув ишлари олиб борилиб, жиноят иши қўзғатиш масаласи кўриб чиқилмоқда. Шунингдек, ушбу олтин қуймаларнинг келиб чиқиш манбаларини аниқлаш бўйича тегишли чора-тадбирлар кўрилмоқда.
 
Бўлим мақолалари
11.08.2020
05.08.2020
29.07.2020
24.07.2020
20.07.2020
13.07.2020
13.06.2020 Экспертлар Марказий Осиё давлатлари раҳбарлари саммитига оид ҳужжатлар лойиҳалари юзасидан фикр алмашди
ТОШКEНТ. 13 июнь – Альянс-Пресс. Бугун Марказий Осиё Ташқи ишлар вазирликлари таркибий бўлинмалари раҳбарларининг видеоконференция шаклидаги учрашуви бўлиб ўтди. Бу хақида «Дунё» Ахборот Агентлиги хабар берди
11.06.2020 COVID-19 режими асирлари ўз ватанларига қайтмоқдалар
САМАРА-ОРЕНБУРГ. 11 июнь – Альянс-Пресс. Июн ойида Россиянинг Қозоғистон билан чегарасидаги вазият ватанга қайтмоқчи бўлган, қирғизистонлик ва ўзбекистонликларнинг янги гуруҳлари келганига қарамай барқарор ҳолатдадир.
02.06.2020
15.05.2020