12.07.2023 18:32 2706

Қўқонда “Туркий тилли ёшлар халқаро фестивали” ўз ишини бошлади

ҚЎҚОН.11 июл – Альянс-Пресс.Кеча Ўзбекистоннинг Қўқон шаҳрида “Туркий тилли ёшлар халқаро фестивали” ўз ишини бошлади. Фестивалда Қирғизистон, Қозоғистон, Туркманистон, Туркия ва Озарбайжон каби туркий тиллари давлатларидан ҳамда Ўзбекистоннинг ҳар бир ҳудудидан фаол талаба ва ёшлар иштирок этмоқдалар.



Мазкур тадбир Ўзбекистон Маданият ва туризм вазирлиги, Ташқи ишлар вазирлиги ҳамда Ёшлар ишлари агентлиги томонидан Халқаро туркий маданият  ташкилоти (ТУРКСОЙ) билан ҳамкорликда ўтказилмоқда.



10 июлнинг иккинчи ярмида Қирғизистон, Қозоғистон, Туркманистон, Туркия ва Озарбайжон  давлатларидан ҳамда Ўзбекистоннинг ҳар бир ҳудудидан келган фаол талаба ва ёшлар Қўқон темир йўл вокзалида тантанали кутиб олинди. Кунботардан кейин улар иштирокида Дўстлик кечаси ва “Туркий тилли ёшлар халқаро фестивали”нинг  очилиш маросими бўлди.



 Маросим Қўқон шаҳар ҳокими Маруфжон Усмоновнинг  самимий сўзлари ва тилаклари билан очилди. Сўнгра Қирғизистон, Қозоғистон, Туркманистон, Туркия ва Озарбайжонча мусиқа тароналари янграб, ёшлар даврага чорланди. Туркий халқларнинг ёшлари ўзларининг миллий рақслари билан даврани қизитдилар.



Бугун эса Фестиваль доирасида бир қатор танлов, мусобақа, тақдимот, учрашувлар ташкил этилди. Туркий давлатлардан келган ёшлар аралаш тарзда байналминал командаларга бўлиниб спортнинг футбол, волейбол, тенис ва этноспорт турлари бўйича беллашдилар. Куннинг иккинчи ярмида тушликдан кейин Қўқоннинг Мутафаккирлар музейида маданий кўнгил – кўнгилочар ҳамда ёшлар учун бизнесни ташкил этиш бўйича тадбирларда қатнашдилар.



Юқорида қайд этилганидек, Қирғизистондан келган ёшлар фестивалда фаол иштирок этмоқдалар. Шунингдек Қўқон заминига ташриф буюрган Қирғизистон Маданият вазирлигининг ёшлар бўлими бошлиғи Айчурок Алимсеитова  “Альянс-Пресс” муҳбирига ўзи етакчилик қилиб келган қирғиз ёшлари мамлакатимизнинг барча олийгоҳларидан танлов асосида юборилганини эътироф этди.



 

---

21.06.2025	Ўш шаҳрида "Рақс санъати -2025" III Халқаро фестивали ўтмоқда ЎШ. 21 июн – Альянс-Пресс. Қирғизистон Жанубий пойтахтида "Рақс санъати -2025" III Халқаро фестивали ниҳоясига етмоқда.
09.06.2025	Тошкентда Хасанжон Саидовнинг шахсий кўргазмаси очилди ТОШКЕНТ. 9 июн – Альянс-Пресс. 9 июн куни соат 16:00да Ўзбекистон Бадиий Академияси Икуо Хираяма Халқаро маданият карвон саройининг катта кўргазмалар залида рассом Хасан Саидовнинг шахсий кўргазмасининг очилиш маросими бўлиб ўтди.
07.06.2025
03.06.2025	ЎШ ШАҲРИДА II ХАЛҚАРО ТУРИСТИК КЎРГАЗМА-ЯРМАРКАСИНИНГ ОЧИЛИШ МАРОСИМИ БЎЛИБ ЎТДИ ЎШ. 3 июн – Альянс-Пресс. Ўш шаҳридаги С.Ибрагимов номидаги Ўш Миллий драма театрида “Салом, Ўш – 2025” II Халқаро кўп тармоқли туристик кўргазма-ярмаркасининг тантанали очилиш маросими бўлиб ўтди.
28.05.2025	Ўш шаҳрида шоир «Яшил олам» шеърият фестивали старт олди ЎШ.28 май – Альянс-Пресс . Ўш шаҳрида шоир Жолон Мамытовнинг 85 йиллик юбилейига бағишланган «Яшил олам» шеърият фестивали старт олди.
30.04.2025	Комил Хоразмий таваллудининг 200 йиллигига бағишланган илмий-маърифий анжуман бўлиб ўтди ТОШКЕНТ. 30 апрел – Альянс-Пресс. Ўзбекистон Миллий университетида Журналистика ва ўзбек филологияси факультети томонидан Ўзбекистон Ёзувчилар уюшмаси билан ҳамкорликда таниқли шоир, Ўзбек Миллий уйғониш даври адабиётининг йирик намояндаси Комил Хоразмий таваллудининг 200 йиллигига бағишланган илмий-маърифий анжуман бўлиб ўтди.
27.04.2025
26.04.2025
24.04.2025
19.04.2025