20.02.2024 16:44 Ўш 1878

Ўзбекистоннинг “Ватандошлар” жамоат жамғармаси Ўшда адабий кеча ўтказди

ЎШ. 20 феврал – Альянс - Пресс. Қирғиз-Ўзбек Университетида Ўзбекистон Республикасининг “Ватандошлар” жамоат жамғармаси фаоллари билан ҳамкорликда “ Бобур – дўстлик куйчиси” деб номланган адабий кеча бўлиб ўтди.



“ Бобур – дўстлик куйчиси” мавзусидаги адабий кечада Ўзбекистон Республикасининг Ўш шаҳридаги Бош консули Зафар Аҳмедов,  Ўзбекистон Республикасининг “Ватандошлар” жамоат жамғармаси бошқарув раиси Одилжон Саттаров, “Шарқ Юлдузи” журналининг Бош муҳаррири Сирожиддин Рауф, “Жадид” газетаси Бош муҳаррир ўринбосари, шоир Ҳумоюн Акбар, Қирғизистон тарафидан Қирғиз-Ўзбек Университети ректори Абил Мамасидиков бошчилигидаги педагоглар жамоаси ва талабалар, ҳамда Қирғизистон ўзбек миллий-маданий марказининг Ўш шаҳри, Жалолобод ва Боткент вилоятлари вакиллари, мактаб ўқитувчилари иштирок этдилар.



Тадбирнинг расмий қисмида  Ўзбекистон Республикасининг Ўш шаҳридаги Бош консули Зафар Аҳмедов, Қирғиз-Ўзбек Университети ректори Абил Мамасидиков, Ўзбекистон Республикасининг “Ватандошлар” жамоат жамғармаси бошқарув раиси Одилжон Саттаров, “Шарқ Юлдузи” журналининг Бош муҳаррири Сирожиддин Рауф,  Қирғиз-Ўзбек Университетининг асосига тамал тошини қўйган унинг биринчи ректори, академик Муҳаммаджон Мамасаидов, “Жадид” газетаси Бош муҳаррир ўринбосари, шоир Ҳумоюн Акбар ва Халқаро Бобур жамғармасининг Қирғизистон бўлими раиси ўринбосари, Халқ маорифи аълочиси Илтифотхон Атахановалар сўзга чиқдилар.



Кечанинг бадиий қисмида ўшлик талантли ҳонандалар Кутман Султанов, Илҳом Аҳмад, Ойдин Абосова ва Ўзбекистон Миллий мақом маркази ҳонандалари Ф Аширалиев ва Э. Ахмедовлар ижросида концерт дастури тақдим этилди.

Тадбир якунида фаол ватандошларга Ўзбекистон “Ватандошлар” жамоат жамғармаси ташаккурномаси ва эсдалик совғалари топширилди. Шунингдек мазкур жамғарма тарафидан Ўш шаҳри, Жалолобод ва Боткент вилоятларидаги ўзбек тилли мактаблари кутубхоналари учун, ҳамда Қирғиз-Ўзбек Университетига Тошкентда нашр этилган қимматбаҳо бадиий асарлар намуналари топширилди.



Шунингдек ушбу“ Бобур – дўстлик куйчиси” мавзусидаги адабий кечани ташкилотчиси Қирғизистон ўзбек миллий-маданий марказининг жанубий ҳудуди  бўлими бошлиғи Одилжон Атажонов томонидан  Ўзбекистон Республикасининг Ўш шаҳридаги Бош консули Зафар Аҳмедов ва Ўзбекистон Республикасининг “Ватандошлар” жамоат жамғармаси бошқарув раиси Одилжон Саттаровларга қирғиз халқ анънасига биноан оқ қалпоқ ва чакмонлар кийдирилди.


 

---

21.06.2025	Ўш шаҳрида "Рақс санъати -2025" III Халқаро фестивали ўтмоқда ЎШ. 21 июн – Альянс-Пресс. Қирғизистон Жанубий пойтахтида "Рақс санъати -2025" III Халқаро фестивали ниҳоясига етмоқда.
09.06.2025	Тошкентда Хасанжон Саидовнинг шахсий кўргазмаси очилди ТОШКЕНТ. 9 июн – Альянс-Пресс. 9 июн куни соат 16:00да Ўзбекистон Бадиий Академияси Икуо Хираяма Халқаро маданият карвон саройининг катта кўргазмалар залида рассом Хасан Саидовнинг шахсий кўргазмасининг очилиш маросими бўлиб ўтди.
07.06.2025
03.06.2025	ЎШ ШАҲРИДА II ХАЛҚАРО ТУРИСТИК КЎРГАЗМА-ЯРМАРКАСИНИНГ ОЧИЛИШ МАРОСИМИ БЎЛИБ ЎТДИ ЎШ. 3 июн – Альянс-Пресс. Ўш шаҳридаги С.Ибрагимов номидаги Ўш Миллий драма театрида “Салом, Ўш – 2025” II Халқаро кўп тармоқли туристик кўргазма-ярмаркасининг тантанали очилиш маросими бўлиб ўтди.
28.05.2025	Ўш шаҳрида шоир «Яшил олам» шеърият фестивали старт олди ЎШ.28 май – Альянс-Пресс . Ўш шаҳрида шоир Жолон Мамытовнинг 85 йиллик юбилейига бағишланган «Яшил олам» шеърият фестивали старт олди.
30.04.2025	Комил Хоразмий таваллудининг 200 йиллигига бағишланган илмий-маърифий анжуман бўлиб ўтди ТОШКЕНТ. 30 апрел – Альянс-Пресс. Ўзбекистон Миллий университетида Журналистика ва ўзбек филологияси факультети томонидан Ўзбекистон Ёзувчилар уюшмаси билан ҳамкорликда таниқли шоир, Ўзбек Миллий уйғониш даври адабиётининг йирик намояндаси Комил Хоразмий таваллудининг 200 йиллигига бағишланган илмий-маърифий анжуман бўлиб ўтди.
27.04.2025
26.04.2025
24.04.2025
19.04.2025