10.09.2024 18:07 1551

Ахсикент – Марказий Осиё цивилизацияси тарихининг юксак намунасидир

НАМАНГАН. 10 сентябр – Альянс-Пресс. Ўзбекистоннинг Наманган вилояти марказида икки кун (9-10 сентябр) давомида “ Ахсикент – Марказий Осиё цивилизацияси тарихида” мавзусидаги Халқаро илмий-амалий конференция бўлиб ўтди.



Конференцияга ташриф буюрган илм аҳиллари биринчи куни вилоятнинг Норин туманидаги “Учтепа-2”археология ёдгорлигини бориб кўрдилар.
Бугунги куни Наманганнинг янги қурилган “Атоур” номли муҳташам меҳмонхонасида  “ Ахсикент – Марказий Осиё цивилизацияси тарихида” мавзусидаги Халқаро илмий-амалий конференция ўз ишини бошлади. Фарғона моддий ва маънавиятида урбанизация жараёнлари номли маърузалари билан Ўзбекистон Фанлар академияси Миллий археология маркази олимлари А.Анарбоев ва С. Баратовлар чиқиш қилдилар. Хитой ижтимоий Фанлар Академияси Археология институти олимаси Wangxing “Хитойнинг IX-X асрларга оид кўк ва оқ чинниси мавзуида маъруза ясади. Гулистон давлат университети олими С. Қудратов “Кийиктепа- Фарғона тарихини даврлаштиришдаги муҳим ёдгорлик” мавзуини кўтарди. Шунингдек Самарқанд археология институти илмий ҳодими А.Алибеков “Ахсикент сополининг физик усуллар асосида комплекс тадқиқоти” бўйича докладини йиғилганларнинг диққатига ҳавола қилди. Жиззах давлат педогогика университети илмий ҳодими Фурқат Тошбоев “Ўрта Осиёнинг илк ўрта асрлар тарихида чорвадорларнинг Уструшона мисолидаги ўрни” темасида маъруза ясади.



Тушдан кейин эса меҳмонлар Тўрақўрғон туманидаги Ахсикент археология ёдгорлигига ташриф буюришди. Ахсикент шахристони уч томондан баланд минорали деворлар билан ўралган бўлиб, жанубий томонидан Сирдарё кесиб ўтади ва унча баланд бўлмаган деворлари сакланиб колган. Шахристоннинг шаркий кисмида 10 та минора бўлиб, улар бир-биридан 20-30 метр узокликда жойлашган. Шимолий томонида 2 та ва гарбий кисмида эса 3 та минора сакланиб колинган. Ахсикентда айниқса кейинги йиллари олиб борилаётган қазув ишлари натижаларида Касонсойдан тортиб келинган  сув қувурлари тизими, ер ости иншаотлари, канализация водопровод колдикларининг янги излари ва гумбаз шаклида курилган ажойиб сув иншоотларининг колдиклари ва хатто деворий суратлар топилган.

Айни пайтда Ахсикентнинг автомагистрал томонидаги мудофа деворлари қолдиқларини ёғингарчиликдан сақлаб қолиш учун муҳофаза аркалари ўрнатиш ишлари юрмоқда.



Шунингдек меҳмонлар  Сирдарё бўйидаги Ахсикент посёлкасидан 4 км узоқликда жойлашган Янги Аҳси мажмуасида бўлиб, уларда қўлёзмалар тўпламида уч мингдан ортиқ нодир қўлёзмалар мавжуд бўлган қадимий асарлар музейи экспозицияси яқиндан танишдилар. Яқин кунларда амалга ошиши керак бўлган режага бўйича мажмуа яқинида жойлашган сайёҳлик маркази қурилади. Шунинг ушбу масканга Сирдарё ўзани бўйлаб Эски Ахсикентга йўл очиб, бу икки тарихий мерос объектини бирлаштириш ишлари ҳам бошлаб юборилган.

Халқаро илмий-амалий конференция Наманган вилояти ҳокимлиги ва Ўзбекистон Фанлар Академияси Миллий Археология маркази ташкилотчилиги остида юқори даражада ўтди. Анжуманни юқори савияда ўтишида, ушбу тадбирнинг фидоий ташаббускори, Ахсикент археологик мероси ёдгорликларини муҳофаза қилиш ва тадқиқ қилиш дирекцияси директори Анвар Икром ва унинг қўл остидаги коллективнинг рўли катта бўлди.


 

---

21.06.2025	Ўш шаҳрида "Рақс санъати -2025" III Халқаро фестивали ўтмоқда ЎШ. 21 июн – Альянс-Пресс. Қирғизистон Жанубий пойтахтида "Рақс санъати -2025" III Халқаро фестивали ниҳоясига етмоқда.
09.06.2025	Тошкентда Хасанжон Саидовнинг шахсий кўргазмаси очилди ТОШКЕНТ. 9 июн – Альянс-Пресс. 9 июн куни соат 16:00да Ўзбекистон Бадиий Академияси Икуо Хираяма Халқаро маданият карвон саройининг катта кўргазмалар залида рассом Хасан Саидовнинг шахсий кўргазмасининг очилиш маросими бўлиб ўтди.
07.06.2025
03.06.2025	ЎШ ШАҲРИДА II ХАЛҚАРО ТУРИСТИК КЎРГАЗМА-ЯРМАРКАСИНИНГ ОЧИЛИШ МАРОСИМИ БЎЛИБ ЎТДИ ЎШ. 3 июн – Альянс-Пресс. Ўш шаҳридаги С.Ибрагимов номидаги Ўш Миллий драма театрида “Салом, Ўш – 2025” II Халқаро кўп тармоқли туристик кўргазма-ярмаркасининг тантанали очилиш маросими бўлиб ўтди.
28.05.2025	Ўш шаҳрида шоир «Яшил олам» шеърият фестивали старт олди ЎШ.28 май – Альянс-Пресс . Ўш шаҳрида шоир Жолон Мамытовнинг 85 йиллик юбилейига бағишланган «Яшил олам» шеърият фестивали старт олди.
30.04.2025	Комил Хоразмий таваллудининг 200 йиллигига бағишланган илмий-маърифий анжуман бўлиб ўтди ТОШКЕНТ. 30 апрел – Альянс-Пресс. Ўзбекистон Миллий университетида Журналистика ва ўзбек филологияси факультети томонидан Ўзбекистон Ёзувчилар уюшмаси билан ҳамкорликда таниқли шоир, Ўзбек Миллий уйғониш даври адабиётининг йирик намояндаси Комил Хоразмий таваллудининг 200 йиллигига бағишланган илмий-маърифий анжуман бўлиб ўтди.
27.04.2025
26.04.2025
24.04.2025
19.04.2025