03.06.2025 13:48 Ўш вилояти 54

ЎШ ШАҲРИДА II ХАЛҚАРО ТУРИСТИК КЎРГАЗМА-ЯРМАРКАСИНИНГ ОЧИЛИШ МАРОСИМИ БЎЛИБ ЎТДИ

ЎШ. 3 июн – Альянс-Пресс. Ўш шаҳридаги С.Ибрагимов номидаги Ўш Миллий драма театрида “Салом, Ўш – 2025” II Халқаро кўп тармоқли туристик кўргазма-ярмаркасининг тантанали очилиш маросими бўлиб ўтди.



Ушбу кўргазманинг очилиш маросимида Қирғизистон Республикаси Вазирлар Маҳкамаси раиси ўринбосари Бақит Торобаев, Қирғизистон Президентининг Ўш вилоятидаги ваколатли вакили  Элчибек Жантаев, Ўш шаҳар ҳокими Женишбек Токторбаев, Президентнинг Жалолобод вилоятидаги ваколатли вакили  Тилек Текебаев, ҚР Савдо-саноат палатаси раҳбарияти, Туризм департаменти директори, БМТ ва ЕХҲТнинг Бишкекдаги Дастурий офиси вакиллари билан биргаликда Ўзбекистон Республикаси Ўш шаҳридаги Бош консули Зафарбек Аҳмедов ва Ўзбекистон Республикасининг Фарғона вилояти ҳоким ўринбосари  Хуршиджон Аҳмедов иштирок этдилар.
 
Кўргазмада Германия, Хитой, Россия, Қозоғистон, Тожикистон, Ўзбекистон, Туркманистон, Озарбайжон ва Қирғизистоннинг барча вилоятларидан туризм соҳасида фаолият юритувчи ташкилотлар, муассасалар ва туроператорлар иштирок этиб, ёзги туристик мавсумга тайёргарликларини  намойиш этдилар.
 
Фестиваль очилишида 50 нафар қўмузчи  “Маш ботой” қўшиғини ижро этишди . Халқ достони  Манас айтилди.  Анъанага мувофиқ Қирғиз кўчи карвони миллий кийим кечаклар кийган қариялар, эркак ва аёллар ва қизлар зоттор отларни ва туяларни миниб,  бургут ҳамда тайған ва този зотли овчи итларни, қўтосларни етаклаб салобат билан ўтдилар. Байрам мушаклари отилди.
 
Тантанали очилиш маросимида сўзга чиққан Қирғизистон Президентининг ваколатли вакили  Элчибек Жантаев ушбу кўргазма Ўш вилоятининг беназир табиий ва маданий бойликларини кенг тарғиб этишга, туризм соҳасида халқаро ҳамкорликни ривожлантиришга, инвестицияларни жалб этишга ва маҳаллий жамоаларнинг барқарор ривожланишига ҳисса қўшишига ишонч билдирди.
 
Очилишдан сўнг расмий меҳмонлар кўргазма-ярмарка экспозициялари билан танишишди. У ерда қишлоқ хўжалиги маҳсулотлари, озиқ-овқат, канцелярия буюмлари, техника, қурилиш материаллари, кийим-кечак, маиший буюмлар, туристик ва ҳунармандчилик маҳсулотлари,  тақдим этилди.
Қўшни республиканинг Фарғона вилояти уста моҳир ҳунармандлари марғилонликларнинг  попоп, сузана қўлланган  адрас кийим кечаклар ва риштонликларнинг  юксак дид билан ишлаган сапол идиш буюмлар сервизлари  жуда кўпчиликнинг эътиборларини тортдилар.
 
Кўргазманинг асосий мақсадлари:
 • Ҳудудга туристлар оқимини ошириш
 • Халқаро ва маҳаллий туроператорлар ўртасида ҳамкорликни кучайтириш
 • Маҳаллий аҳолининг туризм ҳақидаги билимларини ошириш
 • Ҳудуднинг маданий меросини тарғиб этиш
 • Ички ва ташқи бозорларга маҳсулот ва хизматларни олиб чиқиш
 
“Салом, Ўш – 2025” фестивали Ўш вилоятида янги туристик йўналишларни ривожлантиришда муҳим тадбир ҳисобланади.
 
Кўргазма икки кун давом этади. Эртага, 4-июн куни, тадбир Ноқат туманидаги Қорақўй яйловида этно-туризм йўналишида давом эттирилади.


Соҳиба Шокирова
 

---

28.05.2025	Ўш шаҳрида шоир «Яшил олам» шеърият фестивали старт олди ЎШ.28 май – Альянс-Пресс . Ўш шаҳрида шоир Жолон Мамытовнинг 85 йиллик юбилейига бағишланган «Яшил олам» шеърият фестивали старт олди.
30.04.2025	Комил Хоразмий таваллудининг 200 йиллигига бағишланган илмий-маърифий анжуман бўлиб ўтди ТОШКЕНТ. 30 апрел – Альянс-Пресс. Ўзбекистон Миллий университетида Журналистика ва ўзбек филологияси факультети томонидан Ўзбекистон Ёзувчилар уюшмаси билан ҳамкорликда таниқли шоир, Ўзбек Миллий уйғониш даври адабиётининг йирик намояндаси Комил Хоразмий таваллудининг 200 йиллигига бағишланган илмий-маърифий анжуман бўлиб ўтди.
27.04.2025
26.04.2025
24.04.2025
19.04.2025
11.04.2025	Ўшда Ўзбекистоннинг “Ватандош” жамғармаси “Наврўз” байрамига аталган катта тадбир ўтказди ЎШ.11 апрел – Альянс-Пресс. Қирғизистоннинг жанубий пойтахтида Ўзбекистоннинг “Ватандош” жамғармаси томонидан “Наврўз” байрамига аталган катта шодиёна ўтказилди
05.04.2025	Ўшлик рассом Хасанжон Саидовнинг Тошкентдаги кўргазмаси бошқа кунга қолдирилди ТОШКЕНТ. 5 апрел – Альянс-Пресс. Ўшлик рассом Хасанжон Саидовнинг Тошкентдаги кўргазмаси бошқа кунга қолдирилди
25.03.2025
18.03.2025	4 апрел куни Тошкентда Ўшлик рассом Хасанжон Саидовнинг шахсий кўргазмаси очилади ОШ. 18 Март Куни Alliance-Press. 4 апрел куни Тошкентнинг "карвонсарой" кўргазма залида таниқли Ўшлик рассом Хасанжон Саидовнинг шахсий кўргазмаси очилади