15.09.2015 17:01 Ўш 7968
Кеча, 15-сентябрда Ўш шаҳрида жойлашган З.М.Бобур номидаги ўзбек академик театри ўзинининг 97-мавсумини расман очди.
Мавсум очилишига Қирғизистон халқи ассамблеясининг Ўш вилояти бўлими раисининг ўринбосари Пўлат Собиров, Ўш шахар маданият бошқармасининг раҳбари Тўпчибой Досматов, Ўш ўзбек миллий марказининг раиси Абдурашид Ходжаев ва яна бир қатор шаҳар зиёлилари иштирок этишди.
Театрнинг янги директори Набижон Мамажонов бошчилигида очилган янги мавсумнинг табриклар қисми якунлангач, Султон Раев асари ва муаллиф режиссёрлигида саҳналаштирилган “Барсбек” спектакли намойиш этилди.
Бугундан бошлаб, бир ҳафта давомида театр репертуарида бўлган ўнга яқин спектакллар томошабинларга тақдим этилади.
Академик ўзбек театрининг ходими Лутфулло Раҳмоновнинг айтишича, беш кун давомида “Қалбга озор етмасин”, “Афандининг беш хотини” каби спектакллар ва миллий қўшиқлардан ташкил топган катта концерт қўйилиши режалаштирилган.
Бўлим мақолалари
