24.03.2017 13:05 Маҳмуджон Қозоқбоев 3431

Қирғиз ва Ўзбек акварелчи рассоми Ўринбой Охунов кўргазмаси

22 март куни Тошкент шаҳрининг Ҳамид Олимжон майдонидаги собиқ консерватория биноси ёнидаги «ZERO LINE» галереясида машҳур қирғиз ва ўзбек акварелчи рассоми Ўринбой Охуновнинг кўргазмаси очилди


Кўргазмада таниқли рассомлар, ёзувчи-шоирлар, артист ва мусиқашунослар, меъморлар ва кинорежиссерлар, ҳамда ижодкор ёшлар ва оммавий ахборот воситалари вакиллари иштирок этдилар.
Машҳур мўйқалам устасининг 1940-1982 йиллар давомидаги 50 дан зиёд акварель бўёқларда яратилган асарлари кўргазмаси унинг ўғли таниқли рассом ва публицист Вячеслав Охуновнинг ташаббуси билан уюштирилди. Бу икки санъат устаси – ота ва ўғиллар Қирғизистоннинг Ўш шаҳрининг фарзандлари. Замон зайли билан катта ижодий майдонни забт этиш учун улар Ўзбекистонга келиб қоладилар.

Ўринбой Охунов ўтган асрнинг 40 йиллари Фарғонада, 1920 йилдан бери ижод қилиб келаётган дастлабки ўртаосиёлик авангардчи рассом Александр Волковдан сабоқ олган. У эллигинчи йиллардан, олтмишинчи йиллар бошланишигача археолог Юрий Баруздин етакчилик қилаётган Жанубий Қирғизистон археология экспедициясида рассом сифатида ишлаб келади. У Қирғизистон Жанубидаги баъдиий санъат хаётига асос солган ижодкорлардан.




Ўринбой ака Охунов ва Аптот ака Мурзакаримовлар Қирғизистон Жанубидаги биринчи Рассомлар Союзи аъзолари ҳисобланадилар. Ўринбой ака  жуда катта гавдали киши бўлгани билан, жуда ҳам нозик дидли ижодкор эди. У жуда ҳам таъсирли ёруғ ва нафис сув бўёқли сувратларни ёзар эди. Ўринбой Охунов ўз ишининг устаси сифатида ҳамсуҳбатларига  санъат хақида ажойиб тафсилотларни, қизиқ қилиб айтиб берарди.
У ўзи яшаган диёрнинг табиатини, туркистонликларнинг меъморий обидаларини юксак маҳорат ва муҳаббат билан қоғозга инжиқ сув бўёқлари билан акслантирган. Ўринбой Охунов айниқса қўҳна Ўш шаҳри бўйича қайтарилмас гўзал тарихий  лавҳаларнинг серияларини яратган рассом. Уни хақли равишда икки қардош эл – ўзбек ва қирғиз рассоми деб аташади.
Сўзларимизнинг исботи тариқасида, бу улкан ватандош рассомимизнинг ҳотирасини ёд олиб, унинг нафис асарларидан  баҳра олгани Ўзбекистондаги Қирғизистон Республикаси Элчихонаси вакилларини ушбу кўргазмага ташриф буюрганини эслатиб ўтамиз.
 

---

21.06.2025	Ўш шаҳрида "Рақс санъати -2025" III Халқаро фестивали ўтмоқда ЎШ. 21 июн – Альянс-Пресс. Қирғизистон Жанубий пойтахтида "Рақс санъати -2025" III Халқаро фестивали ниҳоясига етмоқда.
09.06.2025	Тошкентда Хасанжон Саидовнинг шахсий кўргазмаси очилди ТОШКЕНТ. 9 июн – Альянс-Пресс. 9 июн куни соат 16:00да Ўзбекистон Бадиий Академияси Икуо Хираяма Халқаро маданият карвон саройининг катта кўргазмалар залида рассом Хасан Саидовнинг шахсий кўргазмасининг очилиш маросими бўлиб ўтди.
07.06.2025
03.06.2025	ЎШ ШАҲРИДА II ХАЛҚАРО ТУРИСТИК КЎРГАЗМА-ЯРМАРКАСИНИНГ ОЧИЛИШ МАРОСИМИ БЎЛИБ ЎТДИ ЎШ. 3 июн – Альянс-Пресс. Ўш шаҳридаги С.Ибрагимов номидаги Ўш Миллий драма театрида “Салом, Ўш – 2025” II Халқаро кўп тармоқли туристик кўргазма-ярмаркасининг тантанали очилиш маросими бўлиб ўтди.
28.05.2025	Ўш шаҳрида шоир «Яшил олам» шеърият фестивали старт олди ЎШ.28 май – Альянс-Пресс . Ўш шаҳрида шоир Жолон Мамытовнинг 85 йиллик юбилейига бағишланган «Яшил олам» шеърият фестивали старт олди.
30.04.2025	Комил Хоразмий таваллудининг 200 йиллигига бағишланган илмий-маърифий анжуман бўлиб ўтди ТОШКЕНТ. 30 апрел – Альянс-Пресс. Ўзбекистон Миллий университетида Журналистика ва ўзбек филологияси факультети томонидан Ўзбекистон Ёзувчилар уюшмаси билан ҳамкорликда таниқли шоир, Ўзбек Миллий уйғониш даври адабиётининг йирик намояндаси Комил Хоразмий таваллудининг 200 йиллигига бағишланган илмий-маърифий анжуман бўлиб ўтди.
27.04.2025
26.04.2025
24.04.2025
19.04.2025