10.12.2018 11:13 2051

Ўзбекистонда Чингиз Айтматовнинг яна янги хафталиги бошланди

ТОШКЕНТ. (Альянс-Пресс)-Қирғиз халқининг машҳур ёзувчиси Чингиз Айтматовнинг 90 йиллиги Ўзбекистонда янада кенг нишонланмоқда



12 ноябрда Ўзбекистон пойтахтида Ч.Айтматов номи берилган кўчанинг очилиши бўлиб ўтади. Тадбир шу кўчанинг бошида машҳур ёзувчи хотирасига ўрнатилган  барельефи олдида бошланади.
13 ноябрда эса Тошкентдаги Миллий Университетда ёзувчининг ижодига бағишланган “Айтматов ўқув кечаси” тадбири бошланади. Куннинг иккинчи ярмида Қирғизистондан ташриф буюрган меҳмонлар иштирокида Миллий театр биносида Чингиз Айтматовга бағишланган кўргазма очилиши кутилмоқда. Кечки пайт эса ёзувчининг қаламига мансуб бўлган асар асосида қўйилган “Оқ кема” спектакли намойиш этилади.
Спектакл инценировкаси муаллифи Ўзбекистонда хизмат кўрсатган санъат арбоби Олимжон Салимов. Саҳналаштирувчи режиссёр Қозоғистонда хизмат кўрсатган санъат арбоби Абубакир Раҳимов. Спектакл декорацияларини Ўзбекистон Республикаси санъат арбоби Бахтиёр Тўраев тайёрлаган, либослар муаллифи рассом Севара Зуннуновадир.
Шунингдек хафта жараёнида Тошкент вилоятининг Паркент туманидаги ёзувчи номи берилган 34- қирғиз тилли мактабдаги Чингиз Тўрақуловичнинг ҳайкал бюсти очилиши маросими бўлиб ўтади.
Чингиз Айтматовнинг юбилей тантаналарини нишонлаш борасида Тошкент шаҳридаги ЕХҲТ ташкилоти офиси ҳам четда қолмади. Ушбу нуфузли ташкилот  ёш авлодга ибрат намунаси сифатида “Чин инсон бўлиб, шаклланиш фалсафаси” деб номланган лойиҳа асосида Чингиз Айтматовнинг ўзи хақидаги ҳикоялари асосида “Болалигим” деб номланган китобни ўз ҳисобидан нашр эттирди. Китобни ўзбекистонлик таниқли журналист Тўланбой Қурбонов нашрга тайёрлаган. Ушбу китоб лотин ва кирил ўзбек ёзувларида ва қирғиз тилида ёруғ кўрди.    
 

---

25.04.2024
19.03.2024
15.03.2024
26.02.2024
20.02.2024	Ўзбекистоннинг “Ватандошлар” жамоат жамғармаси Ўшда адабий кеча ўтказди ЎШ. 20 феврал – Альянс - Пресс. Қирғиз-Ўзбек Университетида Ўзбекистон Республикасининг “Ватандошлар” жамоат жамғармаси фаоллари билан ҳамкорликда “ Бобур – дўстлик куйчиси” деб номланган адабий кеча бўлиб ўтди.
13.02.2024
12.12.2023	Забардаст ёзувчи Чингиз Айтматовнинг 95 йиллиги ва адабиёт куни муносабати билан ЎШ. 12 декабр – Альянс-Пресс. Бобур номидаги Ўш давлат академик ўзбек мусиқали драма театрида буюк ёзувчи Чингиз Айтматовнинг "Тоғлар қулаганда" роман асосида саҳналаштирилган "Мангу қайлиқ" мусиқали драмаси намойиш этилди.
16.10.2023
22.09.2023
21.09.2023	Қўқон шаҳрида Иккинчи Халқаро ҳунармандчилик фестивали ўз ишини бошлади ҚЎҚОН. 21 сентябр – Альянс-Пресс. Ўзбекистон Республикасининг Қўқон шаҳрида Иккинчи Халқаро ҳунармандчилик фестивали ўз ишини бошлади. Фестивалга уйғун ҳолда Риштон туманида Халқаро кулолчилик форуми ҳам бўлиб ўтади.